Hapet panairi i atyre që kanë diplomuar në SHBA

07:36 | 16 Nëntor 2017
Arbresh.info

Në kuadër të Javës së Arsimit Ndërkombëtarë sot në Prishtinë do të hapet Panairi i të diplomuarëve në Shtetet e Bashkuara te Amerikes (SHBA).

Me kete rast Ambasadori i SHBA-ve në Kosovë, Greg Delawie, do të vizitojë Panairin i cili është i treti e që organizohet nga Qendra Këshilluese Amerikane si pjesë e Javës Ndërkombëtare të Edukimit.

Më se 30 të diplomuarë të universiteteve të SHBA-ve do të marrin pjesë në panair i cili ka për qëllim të theksojë përvojën e të studiuarit në Shtetet e Bashkuara, si dhe programet specifike akademike dhe bursat për të cilat mund të jenë të interesuar studentët e Kosovës.

Ambasadori do të përshëndesë pjesëmarrësit alumni, studentët dhe nxënësit, dhe do të bisedojë me ta.

Shpërndaje në rrjete sociale

Lajmet më të lexuara

Të ngjashme

Foto lajm